O castro do Porto de Baixo, é un poboado
castrexo situado no lugar de Anquieiro, parroquia de Carreira, concello
de Ribeira. Está a carón dunha pequena cala na parte sur do Parque
Natural do complexo dunar de Corrubedo.
O castro consta dunhas pequenas construcións totalmente soterradas, e
rodeadas dunha muralla que as protexe aproveitándose da morfoloxía do
terreo. Mide uns 90 x 40 m e ten forma ovalada. Pola súa cara oeste, o
mar faille de defensa natural a este recinto. Segundo os expertos, este
poboado posiblemente estivo habitado entre os séculos IV ou II antes da
nosa era. En decembro do 2004, fixéronse nel unhas pequenas escavacións
para sacar á luz a súa gran muralla defensiva.Este castro foi descuberto por casualidade no ano 1978,
cando se facían sobre el unhas tarefas ilegais de extracción de area.
Poucos anos despois extraéronse pedras da súa muralla para ornamentar as
paredes de vivendas particulares.
A mediados do ano 2004 o seu estado era lamentable, e podíase ver o
cacho de muro descuberto totalmente desfeito. Cómpre subliñar que
ningunha administración local nin central puxo interese en sacar á luz
este antigo poboado, que estaba a carón dun camiño de pés desfacéndose
paseniñamente.
Ver mapa más grande
No hay comentarios:
Publicar un comentario